Zëvendësministrja e mbrojtjes Elfet Ismaili nga ministeriali i SEDM-it në Tiranë: “Agresioni i paprovokuar luftarak i Rusisë ndaj Ukrainës, ka ndikim të fuqishëm ndaj të gjithëve”

“Agresioni i paprovokuar i Rusisë kundër Ukrainës ka ndikim të fortë mbi të gjithë ne, në sigurinë e vendeve tona dhe të qytetarëve tanë. Sot, të gjithë i ndjejmë pasojat dhe do t’i ndiejmë edhe në vitet në vijim. Kjo është një luftë, ku mund të ketë vetëm një rezultat, dhe ai është mposhtja e politikës agresive të Moskës ”, tha zëvendësministrja e mbrojtjes Elfet Ismaili gjatë fjalës së saj në mbledhjen e ministrave të mbrojtjes të Europës Juglindore të nismës SEDM, ministerial ky i cili nga data 5 deri më 7 nëntor u mbajt në Tiranë të Republikës së Shqipërisë.

 

Ismaili falënderoi ministrin shqiptar të mbrojtjes Pirro Vëngu dhe kryesuesen e nismës SEDM, Simona Kojocaru si organizatore për organizimin e mbledhjes dhe gjithashtu në emrin e ministrit të mbrojtjes, Vllado Misajllovskit i përshëndeti të pranishmit dhe shprehu përkushtimin e vendit tone ndaj procesit të SEDM-it dhe ndaj bashkëpunimit rajonal në çështjet e mbrojtjes dhe sigurisë.
Ky ministerial mbledh përfaqësues të vendeve anëtare të SEDM,-it, ku gjithashtu në aktivitetet e nismës marrin pjesë edhe përfaqësues nga organizatat RACVIAC, UNDP/SEESAC.

Qëllimi është promovimi i bashkëpunimit rajonal dhe marrëdhënieve të mira fqinjësore, forcimi i aftësive rajonale të mbrojtjes, bashkëpunimi përmes përpjekjeve kolektive si dhe krijimi i lidhjeve që lehtësojnë integrimin në institucionet euroatlantike.