Ministri i Mbrojtjes Vllado Misajllovski dhe shefi i Shtabit të Përgjithshëm, gjeneralmajor Sashko Lafçiski, sot në mëngjes patën një lidhje me video me tre oficerët tanë të cilët janë pjesë e misionit të Kombeve të Bashkuara UNIFIL në Liban.
Nga oficerët tanë u konfirmua se po ndihen mirë, se morali i të gjithë anëtarëve brenda misionit është në nivel të lartë dhe se detyrat po kryhen në vazhdimësi. Oficerët e shtabit maqedonas, së bashku me pjesëtarët e ushtrive të vendeve të tjera që janë pjesë e misionit UNIFIL, monitorojnë në vazhdimësi situatën e sigurisë në kufirin jugor të Libanit, si dhe situatën e sigurisë në të gjithë rajonin.
Republika e Maqedonisë së Veriut kontribuon në mënyrë aktive në misionin e OKB-së në Liban dhe aktualisht dy oficerë shtabi janë pjesë e kontingjentit italian në Shama, Liban dhe një oficer shtabi është në Komandën e UNIFIL në Nagura, Liban.