Vizita e sotme e punës e Ministrit të Mbrojtjes Vllado Misajlovski në Mbretërinë e Bashkuar u përmbyll me një takim me Lord Vernon Coker, Ministër i Shtetit (Ministër i Dhomës së Lordëve) në Ministrinë e Mbrojtjes të Mbretërisë së Bashkuar.
Ministri Misajlovski dhe Lord Coker shkëmbyen mendime mbi zhvillimin e bashkëpunimit mbrojtës midis dy vendeve aleate, si dhe situatën e sigurisë në rajon, Evropa dhe bota gjatë së cilës u konfirmua se marrëdhëniet mbrojtëse midis dy vendeve bazohen në vlera dhe qëllime të përbashkëta – një rajon paqësor dhe i sigurt dhe një Aleancë e fortë që do të mbetet garantuese e sigurisë së zonës euroatlantike.
Një nga temat më të rëndësishme gjatë takimit ishte Marrëveshja e Bashkëpunimit në Mbrojtje, e cila është në fazat e fundit të harmonizimit. Mbretëria e Bashkuar mbetet e përkushtuar ndaj zhvillimit të aftësive mbrojtëse të Maqedonisë, konfirmoi Lord Coker – veçanërisht në aspektin e përmbushjes së Objektivave të Aftësive të NATO-s, por edhe mbrojtjes kibernetike, arsimit ushtarak dhe kurseve gjuhësore.
Armata Maqedonase dhe Forcat e Armatosura të Mbretërisë së Bashkuar vazhdimisht stërviten dhe zhvillohen së bashku. Në vitet 2023 dhe 2024, ushtarët maqedonas ishin pjesë e stërvitjes “Cambrian Patrol” në Uells, ndërsa pjesëtarët e Forcave të Armatosura Britanike kanë marrë pjesë vazhdimisht në stërvitje ndërkombëtare në shkallë të gjerë të mbajtura në poligonin e stërvitjes “Krivolak”. Përveç kësaj, disa oficerë maqedonas janë diplomuar në Kolegjin Mbretëror të studimeve të mbrojtjes, një institucion me famë botërore i dedikuar zhvillimit të udhëheqësve dhe oficerëve të lartë të ardhshëm.
Bashkëpunimi në mbrojtje midis dy vendeve daton që nga viti 1995, kur u nënshkrua Memorandumi i parë i mirëkuptimit.
