Sot në kazermën “Ilinden” në Shkup, delegacione nga Ministria e Mbrojtjes dhe Shtabi i Përgjithshëm i Armatës, të udhëhequra nga Ministri i Mbrojtjes Vllado Misajllovski dhe Shefi i Shtabit të Përgjithshëm të Armatës, gjeneral major Sashko Lafçiski, vendosën kurora me lule të freskëta para memorialit të pjesëtarëve të rënë të Batalionit të Forcave Speciale.
Në nder të pjesëtarëve të rënë, rreshterit të lartë Robert Petkovski, rreshterit Boban Trajkovski, rreshterit Mile Janevski dhe rreshterit Igor Kosteski, kurora me lule të freskëta vendosën pjesëtarë të Batalionit të Forcave Speciale, komandat e njësive të Armatës, ish-pjesëtarë të Batalionit të Forcave Speciale dhe anëtarë të familjeve të pjesëtarëve të rënë të Armatës.
Në këtë ditë, 24 vjet më parë, pranë fshatit Vejce, në afërsi të Tetovës, tetë pjesëtarë të forcave të sigurisë ranë në mbrojtje të atdheut.
