Sot në selinë e NATO-s në Bruksel, një delegacion nga Ministria e Mbrojtjes, i udhëhequr nga sekretarja shtetërore Elizabeta Çupovska Ristova, mori pjesë në konsultimet e rregullta multilaterale me NATO-n, në kuadër të procesit të planifikimit të mbrojtjes të NATO-s.
Gjatë takimit, sekretarja shtetërore Çupovska Ristova i paraqiti planet e Ministrisë së Mbrojtjes në drejtim të zbatimit të Objektivave të reja të aftësive të caktuara.
Ajo theksoi se, megjithëse kërkesat e reja paraqesin një sfidë serioze, Republika e Maqedonisë së Veriut është e përkushtuar fuqimisht ndaj anëtarësimit në Aleancë dhe se, si një aleat serioz, do të vazhdojë të punojë në drejtim të ndarjes së barrës dhe mbështetjes për sigurinë kolektive.
Gjatë konsultimeve multilaterale, Çupovska Ristova ishte e shoqëruar nga drejtori i Shtabit të Përgjithshëm të Armatës, gjenerali Orce Jordev dhe ekspertë nga Ministria e Mbrojtjes dhe Armata e Republikës së Maqedonisë së Veriut.
