Me një minutë heshtje dhe me vendosje të luleve të freskëta pranë pllakës përkujtimore në Bllacë të Katllanovës, sot më 12 janar, u shënua shtatëmbëdhjetë vjetori i humbjes tragjike të jetës së njëmbëdhjetë pjesëtarëve të Armatës, të cilët humbën jetën duke u kthyer nga misioni paqësor ALTEA në Bosnjë e Hercegovinë.
Pjesëtarët e Armatës që humbën jetën u nderuan nga delegacioni i Ministrisë së Mbrojtjes dhe Shtabit të Përgjithshëm të Armatës i kryesuar nga ministri i mbrojtjes Vllado Misajllovski dhe nga shefi i Shtabit të Përgjithshëm të Armatës, gjeneral-majori Sashko Lafçiski, nga një delegacion i Komandës për Operacione, nga Brigada e 1 Këmbësorike, delegacion nga VING-u ajror si dhe nga delegacioni i Komunës së Petrovecit dhe nga anëtarët e familjeve të pjesëtarëve.
Me këtë rast, ministri i mbrojtjes Vllado Misajllovski në vendin ku ndodhi kjo tragjedi e madhe, nderoi heronjtë maqedonas së bashku me anëtarët e familjeve të tyre, heronj, të cilët nuk do të harrohen asnjëherë.
Paraprakisht në kazermën „Strasho Pinxhur“ në Petrovec, pranë pllakës përkujtimore para komandës së VING-ut ajror, me vendosjen e kurorave me lule të freskëta pjesëtarët e VINGU-t ajror, bënë homazhe dhe nderuan pjeëtarët e Armatës që humbën jetën në këtë aksident.
Homazhe për njëmbëdhjetë pjesëtarët maqedonas do të bëhen edhe pranë parkut memorial në kapin “Butmir”, në Sarajevë të Bosnje e Herecegovinës, ku pjesëtarët tanë, ishin pjesë e misionit ALTEA.
Në këtë aksident ajror me helikopter, në ditën e sotme para shtatëmbëdhjetë viteve, duke u kthyer nga misioni paqësor ALTEA, tragjikisht humbën jetën, nënkoloneli Toni Spasovski, majori Goran Ristovski, kapetanët Brane Spasovski dhe Igor Gjoreski, flamurtarët Sllavço Vasilev dhe Toni Davitkovski, rreshterët e vjetër Janko Shiriq dhe Aleksandar Taskovski, rreshterët Miki Ivanovski dhe Aleksandar Vasiq, si dhe dhjetari Zllatko Veljanovski.
