Ministri i Mbrojtjes, Vllado Misajllovski, sot (9 prill), së bashku me shefin e Shtabit të Përgjithshëm, gjeneral-major Sashko Lafçiski, vizituan Komandën për Operacione të Armatës maqedonase në kazermën “Boro Menkov” në Kumanovë – komandë në përbërjen e së cilës funksionojnë të gjitha llojet e gjinive dhe shërbimeve në Armatë.
Gjatë vizitës, ministri u informua mbi aktivitetet e Komandës, si dhe për planet e ardhshme për zhvillim. Misajllovski tha se është krenar për pjesëtarët që janë pjesë e Komandës dhe njësive në përbërjen e saj, duke shtuar se ata janë shembull i vërtetë i profesionalizmit në Armatë dhe përkushtimit ndaj sigurisë dhe mbrojtjes së qytetarëve. Ministria do të vazhdojë të punojë me përkushtim në mbështetje të zhvillimit të Armatës, veçanërisht në procesin e modernizimit dhe pajisjes, theksoi ministri gjatë takimit të përbashkët.
Së bashku me ministrin Misajllovski dhe shefin e Shtabit të Përgjithshëm, gjeneralin Lafçiski, Komandën për Operacione e vizituan edhe zëvendësshefi i Shtabit të Përgjithshëm, gjenerali Azim Nuredini dhe drejtori i Shtabit të Përgjithshëm, gjenerali Orce Jordev, të cilët u pritën nga komandanti i Komandës, gjeneral brigade Mirçe Gjorgoski.
Në përbërje të Komandës për Operacione funksionojnë Brigada e Parë Këmbësorike, VING-u u Forcave Ajrore, Batalioni i Policisë Ushtarake, Batalioni i Lidhjes, Batalioni Zbulues-Zbulues, Batalioni i Forcave Speciale dhe Kompania për Mbrojtje Atomike, Biologjike dhe Kimike.
