Bashkëpunimi britaniko-maqedonas në mbrojtje është ndër më të fortat dhe më të dukshmet, tha ministri në takim dhe shtoi se “tani është koha të mendojmë për mundësinë e ngritjes së këtij bashkëpunimi tonë në nivelin e një partneriteti strategjik.”
Misajllovski tha se bashkëpunimi në mbrojtje mes dy vendeve është veçanërisht i dukshëm në zhvillimin e terrenit stërvitor më të madh maqedonas, “Krivollak”, ku janë kryer një numër i madh i stërvitjeve të përbashkëta dhe me mbështetjen e Mbretërisë së Bashkuar, gjithashtu janë vendosur 14 njësi komplekse mobile që forcuan stërvitjen e forcave maqedonase dhe aleate.
„Në një kohë sigurie të trazuar në kontinentin evropian, është jashtëzakonisht e rëndësishme që aleatët e NATO-s të mbështesin njëri-tjetrin dhe të zhvillohen së bashku. “I gjithë bashkëpunimi i mëparshëm i mbrojtjes maqedono-britanike kishte pikërisht këtë qëllim”, tha ministri.
Bashkëpunimi maqedonas – britanik në mbrojtje daton që nga viti 1995, kur u nënshkrua Memorandumi i parë i Mirëkuptimit ndërmjet dy vendeve. Mbretëria e Bashkuar, përveç njësive mobile komplekse të përmendura, ka mbështetur edhe zhvillimin e “Krivollakut” duke dhuruar objektiva elektronike që tashmë përdoren në procesin stërvitor në këtë poligon ushtarak.
