Në përputhje me nenin 166-g të Ligjit për Mbrojtjen (Gazeta Zyrtare e Republikës së Maqedonisë së Veriut nr. 42/01, 05/03, 8/06, 110/08, 51/11, 151/11, 185/11, 215/15 dhe 42/20), Ministria e Mbrojtjes e ka për detyrë të përgatisë dhe të dorëzojë një raport tremujor, i cili publikohet në faqen e internetit të Ministrisë.
Sektori i Inspektimit ju njofton se gjatë tremujorit prill–qershor 2026 ka kryer gjithsej 5 (pesë) inspektime: 3 (tri) inspektime të planifikuara në përputhje me Programin vjetor të inspektimit për vitin 2026 dhe 2 (dy) inspektime të paplanifikuara.
Janë kryer inspektime lidhur me mbikëqyrjen e zbatimit të rregulloreve që lidhen me mbrojtjen pranë subjekteve të mëposhtme:
1. Në muajin prill:
-Qendra e forcave të rezervë;
-Zbatimi i Rregullores për personelin ushtarak ajror-teknik dhe Rregullores për kushtet për fitimin e gradave ushtarake për specialitete specifike me rëndësi të veçantë për Armatën në lidhje me pozicionet dhe detyrat në fushën e komandës dhe kontrollit të hapësirës ajrore dhe pozicionet dhe detyrat në mbrojtjen ajrore;
-Zbatimi i Rregullores për përcaktimin e nivelit të pagave, shtesave në paga dhe kompensimeve të tjera për punonjësit e Ministrisë së Mbrojtjes dhe Armatës që shërbejnë në misione diplomatike dhe konsullore të Republikës së Maqedonisë së Veriut jashtë vendit, misione ndërkombëtare dhe organizata ndërkombëtare, shtabe, komanda dhe forca ushtarake shumëkombëshe.
2. Në muajin maj:
- Skuadroni i mirëmbajtjes ushtarako-teknike.
3. Në muajin qershor:
- Batalioni i komunikimit.