Përfaqësues të Ministrisë së Mbrojtjes së Maqedonisë dhe të forcave të armatosura të Italisë dje (18 mars), në Ministri, nënshkruan Planin për Bashkëpunim Dypalësh në fushën e mbrojtjes ndërmjet dy vendeve për vitin 2026, i cili përfshin disa fusha, ndër të cilat edukimin ushtarak, trajnimet, stërvitjet, vizitat reciproke dhe bisedimet ndërmjet ekspertëve.
Në konsultimet e rregullta dypalëshe që i paraprinë nënshkrimit të Planit, të dy delegacionet shprehën kënaqësi për bashkëpunimin e deritanishëm që daton nga viti 1997, kur u nënshkrua Marrëveshja për bashkëpunim ushtarak dypalësh, dhe sot paraqet një shembull se si duhet të bashkëpunojnë dy vende mike dhe aleate.
Në pothuajse dy dekada marrëdhënie dypalëshe në mbrojtje, forcat e armatosura të të dy vendeve janë zhvilluar në shumë fusha si bashkëpunimi civil-ushtarak, aviacioni ushtarak, logjistika, policia ushtarake, siguria kibernetike, transformimi i sistemit të trajnimit dhe edukimit etj. Italia ka mbështetur zhvillimin e Armatës me pajisje të ndryshme si kamionë, pajisje alpinistike, pajisje inxhinierike, kullë alpinistike dhe të tjera.
