Од 08 – 10 април 2025 година во Центарот за обука „Д-р Џозеф Крузел“, беше реализирана „Обука за обучувачи од областа на стабилизација и реконструкција и експертски разговори за имплементација на НАТО цел на способност Ѕ-1106“, наменета за идните обучувачи од различни области за стабилизација и реконструкција од Министерството за одбрана, Армијата, Воената академија „Генерал Михаило Апостолски“ , како и од други државни институции.
Фокус на обуката која беше реализирана во соработка со италијански експерти и претставници од Центарот за студии за постконфликтни операции од Торино, Италија, беше во насока на размена на експертиза по однос на подготовка на идните македонски обучувачи за специфични теми. Со поддршка од италијанските експерти беше извршена самоевалуација и додефинирање на содржините на лекциите, како дел од НАТО цел на способност S1106.
Развојот на капацитетите е дел од НАТО целите на способности за унапредување на знаењата на потенцијалните обучувачи од области поврзани со стабилизацијата и реконструкцијата
