Магазинот „Штит“ е илустрирано списание кое го издава Министерството за одбрана на Република Северна Македонија.
Списанието излегува еднаш месечно на 60 страници во колор, на македонски и на албански јазик.
„Штит“ започна да излегува во 2009 година.
Основна цел и намена на списанието е да ја информира јавноста за активностите и достигнувањата на Армијата, да едуцира за теми од одбраната, да претставува нови оружја и опрема, да објавува воени анализи од еминентни домашни и странски експерти итн.
Во „Штит“ се објавуваат написи со различна содржина поврзана со одбраната и безбедноста. Содржините во магазинот се подредени според тематиката на написите во рубрики.
Во списанието „Штит“ пишуваат и надворешни соработници кои се компетентни за темите за кои пишуваат. Ставовите во написите од надворешните соработници не се официјални ставови на Министерството за одбрана на Република Северна Македонија.