Современа македонска одбрана

Политика за отворен пристап

Списанието „Современа македонска одбрана“ е достапно во согласност со принципите на отворен пристап. Се објавува и во печатена и во дигитална форма. Написите може да се преземат бесплатно од страницата и да се дистрибуираат за академски и други цели. Списанието обезбедува бесплатен пристап до сите негови содржини, без претплата и без никакви придружни трошоци. Материјалите може да се користат без да се бара посебна дозвола, под услов да се наведе упатување на оригиналниот документ.

Лиценцирање

„Современа македонска одбрана“ е списание со целосно отворен пристап, што значи дека сите содржини на списанието се достапни онлајн бесплатно. Корисниците може да читаат, преземаат, копираат, дистрибуираат, печатат, пребаруваат или поврзуваат со содржината и може да ја менуваат, редизајнираат или приспособат или користат на други законски начини, доколку правилно го наведуваат изворот, согласно CC BY (https://creativecommons.org/licenses/ by/4.0/)

Соработка со универзитетските центри

Министерството за одбрана на Република Северна Македонија има воспоставена плодна соработка со универзитетските центри во државата. Преку потпишување на меморандуми за соработка воспоставени се основните форми за соработка, меѓу кои и соработката во издавачката дејност, поконкретно, договорено е учество на универзитетски професори во Меѓународниот уредувачки одбор на „Современа македонска одбрана”, објавување на научни трудови на наставниот кадар, како и на студентите во рамки на списанието.

Уредувачки одбор

д-р Андреј Илиев, ред. проф., пполк., главен и одговорен уредник

д-р Билјана Каровска-Андоновска, ред. проф., заменик-главен и одговорен уредник

МЕЃУНАРОДЕН УРЕДУВАЧКИ ОДБОР

пполк. Синиша Лозаноски, Генералштаб на Армијата

м-р Душко Аврамовски, Министерство за одбрана

д-р Дејан Мираковски, ред. проф., Република Северна Македонија

д-р Орце Поповски, ред. проф., полк., Република Северна Македонија

д-р Ќире Јаќимоски, ред. проф., Република Северна Македонија

д-р Александар Петровски, вон. проф., пполк., Република Северна Македонија

д-р Љупчо Шошоловски, доц., пполк., Република Северна Македонија

д-р Сашо Даневски, доц., Република Северна Македонија

проф. д-р Емилијано Буис (Emiliano Buis), Аргентина

проф. д-р Сабина Бараковиќ (Sabina Baraković), Босна и Херцеговина

проф. д-р Николаj Стојанов (Nikolai Stoianov), Бугарија

доц. д-р Јавор Красимиров Тодоров (Yavor Krasimirov Todorov), Бугараја

проф. д-р Лука Михановиќ (Luka Mihanović), Хрватска

доц. д-р Андрија Козина (Andrija Kozina), Хрватска

доц. д-р Роберт Копал (Robert Kopal), Хрватска

доц. д-р Михаил Халарис (Michail Chalaris), Грција

доц. д-р Шандор Сабо (Sándor Szabó), Унгарија

доц. д-р Нитиш Кумар Оџа (Nitish Kumar Ojha), Индија

доц. д-р Пријанка Чандани (Priyanka Chandani), Индија

доц. д-р Галит М. Бен (Galit M. Ben), Израел

доц. д-р Анџело Виглианиси Фераро (Angelo Viglianisi Ferraro), Италија

проф. д-р Блертон Абази (Blerton Abazi), Косово

доц. д-р Амар Батих (Ammar Bathich), Малезија

доц. д-р Анджеј Павликовски (Andrzej Pawlikowski), Полска

доц. д-р Артур Зиеличовски (Artur Zielichowski), Полска

доц. д-р Агата Клечковска (Agata Kleczkowska), Полска

проф. д-р Цезар Василеску (Vasilescu Cezar), Романија

доц. д-р Марко Межа (Marko Meža), Словенија

доц. д-р Марко Хелбл (Marko Hölbl), Словенија

доц. д-р Снежана Ќириќ-Костиќ (Snežana Ćirić –Kostić), Србија

доц. д-р Нобуо Хајаши (Nobuo Hayashi), Шведска

доц. д-р Сергиј О. Гнатјук (Sergiy O. Gnatyuk), Украина

доц. д-р Алекс Пирох (Alex Piroh), Украина

доц. д-р Џозеф Хенри Анаџемба (Joseph Henry Anajemba), Обединети Арапски Емирати

проф. д-р Тони Мулис (Tony Mullis), САД

проф. д-р Ашок Васеашта (Ashok Vaseashta), САД

проф. д-р Макс Килгер (Max Kilger), САД

доц. д-р Нареш Кшетри (Naresh Kshetri),САД

доц. д-р Дан Монеа (Dan Monea), Романија

Секретар: м-р Моника Качурова

Етичката политика на „Современа македонска одбрана“ се заснова на референци од различни меѓународни одбори. За таа цел изработен е Етички кодекс за уредниците и авторите.
Уредниците се единствено одговорни за прифаќање или одбивање на доставениот труд. Доставениот труд може да биде одбиен од страна на уредниците пред рецензија, и тоа кога: трудот е со несоодветна тема, со видливо лош квалитет, кога не се запазени суштинските и формалните критериуми наведени во уредувачката политика на списанието, доколку претходно веќе бил објавен, кога постои неусогласеност со етичките принципи на списанието итн.
Трудовите кои се прифатени од Уредувачкиот одбор се оние кои ја поминале т.н. ,,слепа рецензија“.
Уредниците гарантираат дека квалитетот на трудовите е во согласност со меѓународно прифатените научни и етички упатства за објавување.
Главниот уредник по завршената прва „слепа рецензија“, на седница заедно со заменик главен и одговорен уредник и членовите на Уредувачкиот одбор, а во согласност со прописите за авторски права и плагијат, одлучуваат дали ќе ги прифатат пристигнатите трудови за рецензија.
За трудовите кои поминале „слепа рецензија“ и се во согласност со прописите за авторски права и плагијати, Уредувачкиот одбор определува двајца независни рецензенти. Рецензирањето се врши како двојна слепа рецензија, односно рецензентите не смеат да ги дознаат имињата на авторите, а авторите не смее да го знаат идентитетот на рецензентите.
Уредувачкиот одбор одлучува за избор на рецензенти и тоа врз основа на компетенции за темата која е анализирана во трудот.
Уредниците имаат обврска да водат сметка за анонимноста на рецензентите и на авторите. Уредниците го гарантираат квалитетот на трудовите и интегритетот на академската евиденција, водат сметка за појаснување на потребата од корекции на статијата и извинување доколку е потребно.

Стандарди за известување
Авторите на изворни научни трудови (научни истражувања) треба да презентираат објективна дискусија за значењето на анализата, податоците треба да бидат прецизно и јасно претставени, а дискусијата на резултатите од истражувањето да биде прецизна и јасна, објективна за нејзиното значење. Основните податоци треба да бидат прецизно претставени. Трудот треба да содржи референци за може да се репродуцираат. Неточните податоци претставуваат неетичко однесување и се неоправдани и неприфатливи за Уредувачкиот одбор.
Прегледните и стручните трудови треба подеднакво да бидат точни и објективни.
Откако трудот ќе добие две независни позитивни рецензии и Уредувачкиот одбор ги прифати истите, авторските права припаѓаат на издавачот на списанието – Министерството за одбрана на Република Северна Македонија.
Доколку трудот не биде прифатен за објавување од страна на Уредувачкиот одбор, сите права ќе ги задржи авторот.
Кога трудот е прифатен за објавување, на издавачот, Министерството за одбрана, му се дава право да го репродуцира и дистрибуира ракописот во печатена (хартиена) и во електронска форма.

Одрекување од одговорност
Ставовите изразени во објавениот труд/статија не ги претставуваат ставовите на главниот и одговорен уредник, на заменик главен и одговорен уредник и на сите членови на Меѓународниот уредувачки одбор. Сите автори имаат правна и морална одговорност за сè што е напишано во трудот. Издавачот нема никаква одговорност во случај на поднесување на какви било барања за надомест на потенцијална штета.

Повик до авторите

Ги повикуваме сите заинтересирани лица, со академска титула магистер или повисока, кои сакаат да ги објават своите научни и стручни трудови од областа на одбраната, безбедноста и мирот да ги достават истите најдоцна до 31 март за јунското издание на списанието, односно 30 септември, за декемвриското издание на списанието.
Трудовите треба да бидат изработени во согласност со етичкиот кодекс и упатството за автори и истите треба да бидат доставени заедно со Изјава на авторот. Напоменуваме дека трудот не треба да биде подолг од 5000 збора.
Секој пријавен труд може да има најмногу двајца автори. Сите трудови кои не се подготвени во согласност со „Упатството за автори“ ќе бидат вратени до нивните автори за да бидат подготвени во согласност со техничките процедури наведени во упатството.

Доставување на ракопис
Трудовите до списанието „Современа македонска одбрана“ се доставуваат преку е-маил до главниот и одговорен уредник, д-р Андреј Илиев, ред. проф., пполк., andrej.iliev@ugd.edu.mk, секретарот на списанието, м-р Моника Качурова, сор. кап., monika.kachurova@ugd.edu.mk и до извршниот уредник, м-р Игор Дамјаноски igor.damjanoski@mod.gov.mk.

Трудовите за двата броја кои се објавуваат во една календарска година се доставуваат до 31 март и за вториот број до 30 септември.

Трудови кои во која било форма се веќе објавени, или пак, се во процедура за објавување во која било друга публикација нема да бидат прифатени за објавување.
За таа цел авторот при пријавување на трудот треба да се произнесе.

Секој автор на труд гарантира дека ракописот е негово оригинално дело. Поднесениот труд треба да обезбеди доволно детали и релевантни референци за да им дозволи на рецензентите и читателите да ги потврдат изнесените тврдења и анализи. Презентирање на лажни тврдења во ракописот претставува кршење на етичките стандарди.

Авторите се единствено одговорни за содржината на нивните ракописи.

Министерство за одбрана
Ул: „Орце Николов“ бр. 116
1000 Скопје
cmd_journal@ugd.edu.mk

Сектор за информации и комуникации

Раководител

Одделение за издавачка дејност
Раководител
Билјана Иванова
biljana.ivanova@mod.gov.mk
02 3113 527

Секретар
м-р Моника Качурова
monika.kachurova@ugd.edu.mk

Главен и одговорен уредник
д-р Андреј Илиев
andrej.iliev@ugd.edu.mk

Извршен уредник
Игор Дамјаноски
igor.damjanoski@mod.gov.mk
070 403 137