Në ngjarjen e sotme morën pjesë ministri i Mbrojtjes Vllado Misajllovski, i cili hapi turneun, ministri i Punëve të Brendshme Pançe Toshkovski, shefi i Shtabit të Përgjithshëm të Armatës, gjeneralmajor Sashko Lafçiski, kryetari i Shoqatës “Heronjtë e Maqedonisë 2001–2015”, Vllado Stojanovski, kryetarët e sindikatave përfaqësuese të mbrojtjes dhe policisë, si dhe anëtarë të familjeve të mbrojtësve të rënë.
Në fjalimin e tij para të pranishmëve, ministri Misajllovski theksoi sakrificën që dhanë mbrojtësit për Maqedoninë, pa pyetur sa ishte e vështirë, por sa ishte e nevojshme, duke shtuar se kujtimi për mbrojtësit nuk do të harrohet dhe se sakrifica e tyre për atdheun do të ruhet gjithmonë.
„Turneu memorial që po e hapim sot i kushtohet njerëzve që në momentet kyçe për shtetin nuk pyetën sa është e vështirë, por sa është e nevojshme. Mbrojtësit e vitit 2001 dhe pjesëtarët e rënë të forcave të sigurisë në vitin 2015 e kryen detyrën e tyre në mënyrë profesionale, të disiplinuar dhe me vetëdije të plotë për rrezikun që merrnin përsipër. Ata nuk kërkuan mirënjohje, ata pranuan përgjegjësinë,” theksoi ministri Misajllovski.
Kryetari i Shoqatës “Heronjtë e Maqedonisë 2001–2015”, Vllado Stojanovski, deklaroi:
“Ata u ngritën në mbrojtje të atdheut të tyre, duke mbrojtur sovranitetin dhe integritetin e Maqedonisë, dhanë jetën e tyre në mënyrë të përkushtuar dhe të painteresuar; u shuan forca të reja, por ata gjithmonë do të mbeten të paharruar dhe do të jetojnë përjetësisht në vetëdijen kolektive të maqedonasve.”
Fjalim mbajti edhe ministri i Punëve të Brendshme Pançe Toshkovski, i cili theksoi:
„ Sakrifica e tyre nuk është vetëm pjesë e historisë, ajo është e gdhendur thellë në themelet e shtetësisë maqedonase. Është një sakrificë që na obligon, një sakrificë që na mëson se liria, siguria dhe paqja nuk janë të dhëna, por janë vlera që mbrohen me guxim, me nder dhe me çmimin më të lartë personal. Vepra e tyre jeton dhe do të jetojë si amanet dhe shembull në veprimin profesional dhe etik të çdo pjesëtari të institucioneve të sigurisë.“
Në Turneun Memorial të sotëm marrin pjesë 16 ekipe të përbëra nga pjesëtarë të Armatës, Ministrisë së Mbrojtjes dhe Ministrisë së Punëve të Brendshme, të cilët me praninë dhe angazhimin e tyre sportiv dërguan një mesazh të qartë se mbrojtësit maqedonas që dhanë jetën e tyre në mbrojtje të atdheut nuk do të harrohen kurrë.
