Денеска во Министерството за одбрана, министерот Владо Мисајловски, оствари средба со специјалниот претставник на Кралството Норвешка за Западен Балкан, Еирик Нестас Матисен и со нерезидентната норвешка амбасадорка, Н.Е. Кристин Мелсом.
На средбата беше истакната досегашната успешна и плодна соработка меѓу двете земји особено одличната одбранбена соработка која има голем придонес во развојот на одбранбените капацитети во делот на модернизација, опремување како и обука и развој на персонал. Дополнително беше нагласено дека соработката е во насока на зацврстување на сојузништвото и во интерес на зачувување на мирот стабилноста и безбедноста на регионот.
