За прв пат реализиран брифинг за поддршка на семејствата

На 12 август во Домот на Армијата за првпат беше реализиран информативен брифинг за припадниците на Армијата кои ќе бидат упатени во хуманитарни или мировни операции и за членовите на нивните семејства, врз основ на Програмата за поддршка на семејствата.

Целта на овој брифинг е запознавање со оваа Програма односно видот на поддршка и начинот на остварување на истата.

За Министерството за одбрана и Армијата од висок национален интерес е припадниците на Армијата кои се упатуваат во мировните мисии да покажат максимална подготвеност и ефикасност во извршување на тешките и комплексни задачи. Но, истовремено, наша цел и императив е семејствата директно да ја почувствуваат грижата од страна на Министерството и Армијата за време на периодот на отсуството на мировниците.