Заменик министерката за одбрана, Елфет Исмаили во Рамштајн, Германија учествуваше на состанокот на Контакт групата за Украина, претседаван од американскиот секретар за одбрана Лојд Остин. На состанокот во Германија присуствуваше и претседателот на Украина, Володомир Зеленски.
Близу педесетина сојузници и партнери кои се дел од контакт групата за Украина ја потврдија поддршката за земјата која ја брани својата независност и својот суверенитет. Тие изразија поддршка за територијалниот интегритет на Украина.
На маргините на состанокот заменик-министерката Исмали разговараше со секретарот за одбрана Остин, при што порача дека нашата земја и во иднина ќе продолжи да ја поддржува Украина, согласно нејзините барања и нашите капацитети. Исмаили и Остин се согласија дека македонско-американската одбранбена соработка е на највисоко ниво и дека претставува уште еден доказ за стратешкото партнерство и сојузништво помеѓу двете земји.
