Заменик министерката за одбрана Елфет Исмаили денеска беше во посета на Командата за операции во касарната “Боро Менков” во Куманово, каде беше пречекана од командантот бригадниот генерал, Бесник Емини и од началникот на штаб, бригадниот генерал, Мирче Ѓорговски.
Заменик министерката Исмаили при оваа посетата беше запознаена со мисијата и задачите на оваа единица, која воедно е позната и како главна движечка сила на Армијата и команда која опфаќа најголем број армиски единици кои придонесуваат за заштита на територијалниот интегритет и суверенитет на нашата земја.
Меѓу другото, заменик министерката Исмаили беше информирана и за следните чекори на Командата за операции, вклучително и активностите како обуки и вежби, како и за имплементација на НАТО стандардите во текот на следниот период.
При посетата на оваа команда во касарната “Боро Менков”, заменик министерката Елфет Исмаили се потпиша и во „Книгата на впечатоци“.
