Денеска министерот за одбрана Владо Мисајловски оствари средба со новоименуваниот амбасадор на Република Бугарија, Н.Е Жељазко Радуков на кој му посака успешен мандат и плодна соработка.
На средбата на која присуствуваше и одбранбеното аташе на Република Бугарија, потполковник Асен Ламбев, беше истакнато дека двете земји имаат добра одбранбена соработка која во континуитет се интензивира особено во областа на заеднички вежбовни активности, обуки, едукација и размена на искуство.
