Министерката Шекеринска во заедничка посета на Латвија со министрите на Црна Гора и Словенија Оливера Ињац и Матеј Тонин

Министерката Радмила Шекеринска денеска престојува во еднодневна работна посета на Латвија, заедно со министрите за одбрана на Словенија, Матеј Тонин и на Црна Гора, Оливера Ињац.

Домаќин ќе им биде заменик премиерот и министер за одбрана на Латвија, Артикс Пабрикс.

Заедничката посета на тројца министри за одбрана испраќа моќна порака на силно регионално сојузништво, доверба и планови за уште поинтензивна соработка.

Министерката Шекеринска ќе го договара можното вклучување на Северна Македонија кон НАТО мисијата „Зајакнато истурено присуство“, во борбената група чиј домаќин е Латвија, под командна палка на Канада, a во рамките на словенечкиот контингент.

Министрите ќе имаат брифинг со командантите на Механизираната бригада на копнените сили на Латвија Сандрис Гаугерс, и на Канадските наменски сили Жан-Франсоа Чауден, а ќе извршат и обиколка на базата на мисијата и седиштето на словенечкиот контингент.

Заедничката посета на Латвија е уште еден чекор во духот на зајакнување на регионалната одбранбена соработка меѓу Северна Македонија, Црна Гора и Словенија, која особено се интензивираше по членството на нашата земја во НАТО.

Други вести
Skip to content